周志康

其實你哋最近鬼鬼鼠鼠我都知道你哋有啲嘢㗎啦，但估唔到你哋真係準備咗咁多父親節禮物俾爸爸🥰 每次經過飯廳都叫我瞌埋眼.…..又叫我唔好望張枱.…..又話唔可以俾我知道……又話要準備一個神秘驚喜俾我.…..搞到我成個星期都囉囉攣爭啲失眠🥲 雖然你哋成日欺凌我，又話爸爸衰衰、又打爸爸屁股、又唔肯俾我錫、唔肯俾我攬……但係經過今日之後我哋之前嘅恩恩怨怨，我都可以原諒晒🥰 咁麻煩之後唔好打得咁大力，鬧我嘅時候語氣唔好咁重、錫完之後唔好抹自己塊面（仲要個樣極之嫌棄），攬嘅時候唔好踢開我（就算踢都唔好咁大力）。咁我就心滿意足㗎啦。🥹 爸爸愛你s~ 多謝Emma&Elva😘 希望每一位爸爸都身體健康，父親節快樂🥰 #父親節快樂