🇨🇼~Miss Curaçao Teenager 2024~🇨🇼
Awe Mainta e 9 kandidatanan a ser invitá na @directmediacuracao den e programa di ‘Mainta’, kaminda nan por a konta un poko di nan eksperensia bibá e ultimo 3 lunanan tras di lomba i kon nan ta preparando nan mes pa e anochi final, djadumingu awor 7 di Juli.
Si bo no a kumpra bo karchi ahinda, message bo kandidata faborito pa dibo i app +599 9 523 87 11 pa bo VIP ticket 🎟️ ✨
The big day has arrived for the preliminary competition of Miss Supranational 2024 in Poland 🇵🇱. Team Curaçao 🇨🇼 is very honored and ready to Celebrate the 15th anniversary with the whole family of Miss Supranational.
🔊Curaçao are you ready?
Partisipante Nr 2: Lais Audrey Stephany Braaf
Un hóben positivo, generoso i hopi alegre. Mirando kon hobennan ta skohe hopi biaha pa sea purba di ta manera tur otro òf purba ekskluí i te asta rechasá esun ku no ta manera otro jovennan.
Mi persona Lais Braaf ta skohe pa para pa e balornan importante ku ta inklushon , aseptashon i empatia.
Paso mi ke mira nos hóbennan den un futuro kaminda ta duna kada persona e derechi di proyektá nan lus úniko sin miedu ni bèrgwensa.
Pa ami e ta e manera pa inspirá i motivá mas tantu hóben posibel pa aseptá, apresiá i hasi mas tantu uzo posibel di nan super poder. Laga esaki bria i impakta otronan di un forma positivo.
Laga nos ta mas tolerante i komprensivo ku tur esnan ku ta mira mundu for di un brel diferente.
Ban respetá kada persona i balorá kada persona den nan forma di ta.
Humildat, trabou boluntario pa yuda esnan ku mas tin mester manera hende grandinan, y tambe nos animalnan ta algun di mi balornan mas importante. Motibu ku mi ta dedika hopi tempo na mi kachonan, dunanan hopi amor, y mira kon semper nan ta mustra kon gradesido nan ta ku mi persona.
Mi ta u hóben ku dislexia . Esaki ta mi super poder!
E echo ku mi tin difikultat pa lesa i mi ta kapta kos di forma diferente a hasi mi un persona resiliente . Mi por a tuma esaki di forma hopi negativo i permití e diferensia aki hiba mi den un mundu skur i isolá. Pero mi a buska forsa den mi mes pa logra mi metanan. Mi a kaba mi estudio VSBO 4THL ku exito den 4 anja y aworki mi lo sigui den e ramo ku mi ta desea, esta di comunikashon y marketing.
Partisipando na MCT mi a mira e importansia di siña , krese i sigui desaroyá mi abilidatnan.
Pues sigur mi ke motivá otro hóbennan pa hasi esaki.
Pa finalisá mi mensahe pa hoben. Hóben, no tene miedu di duna realse na kiko ta hasi abo diferente. Bo ta úniko, esei ta bo super poder!!
🇨🇼~Miss Universe Curaçao 2024~🇨🇼
Awe nos Miss Kòrsou 2024 Kimberly de Boer a kumpli un aña mas bida, Eta haña felisitashon di henter e team di We Support All The Misses and Models of Curaçao.
Hopi aña mas di bida, Salu i hopi bendishon nos Queen Universal.
🇨🇼~Partisipante Miss Curaçao Teenager 2024~🇨🇼
Awe partisipante nan pa Miss Curaçao Teenager 2024 di bishita na misa. Nan a gradesi Dios pa henter e temporada di Miss Curaçao Teenager 2024. Tambe Pastor Curtis a bendishona e korona Olga.
Despues di esaki a sigui ku e konosido dia di Alura, na kas di nos grandinan, e aña aki a toka turno na kas di ansianonan di 'San Miguel' huntu ku señora Giselle Coffie
Partisipante nan pa Miss Curaçao Teenager 2024 den nan mas resien photoshoot. Tema di e aña aki ta The “LIFE WARRIORS”. Ku esaki organisashon ke pe hoben nan ta guardian di nan meta nan. Tambe pa tur ku mester sali i lucha tur dia pa nan soñonan.
Abo sa ken lo ser koroná ne edishon aki di Miss Curaçao Teenager e aña aki?
🇨🇼~Partisipante Miss Curaçao Teenager 2024~🇨🇼
Mi nomber ta Jadyah Da Silva da Camara i mi tin 15 aña di edat. Mi ta un studiante di Triniteit College. Despues di un largo dia di skol, mi ta distrai mi mes den mi pasa tempu faborito: ‘Boxing’. Pa loke ta trata un tiki di mi mes, semper mi a soña ku mi ta un reina i semper mi a vishona mi mes komo un kargado di bos i mensahe. Mi ta konsidera ku mi a bini e mundu aki pa ser un ser muhe pa trese kambio i konvensé tur sobra di nos e importansia riba e mundu aki. Na bida, bibando i pa mañan por duna bida. Mi aspirashon mas grandi ta pa trese inspirashon i kambio positivo den bida di mucha i adulto. Apesar di mi korto edat, mi ta konvensí ku mi bos i mensahe lo yega na oido di un i tur sin diskriminashon di kolo, religion, tamaño of di unda bo ta bini.
Mi ta un soñadó for di chikitu anto mi a wòrdu diskriminá, kaminda esaki a pone ami duda den mi mes i algun biaha den mi kapasidat i beyesa komo ser humano, pero apesar di esaki mi ta determiná pa usa e sertamen Miss Curaçao Teenager pa konsientisá un i tur pa stima i balorá nan mes, kibrando e stereotipo di beyesa. Ban kibra e tabú i ban demostrá ku nos generashon ta un di aseptashon, inklushon i apoyo. Mi ke pa tur hende siña ku tur hende ta bunita na nan manera i ku kada un di nos tin un ròl importante den e mundu aki. Mi ta kere ku pa medio di nos diversidat, nos por hasi e mundu aki un luga mihó pa nos tur.
Di e sertamen aki mi ta spera pa siña mas di mi mes, desaroyá mi konfiansa i abilidatnan di líder, i pa yega na mas hende ku mi mensahe di amor i aseptashon. Mi ta kere ku pa medio di e plataforma aki, mi lo por hasi un diferensia i inspirá otro hende pa sigui nan soño i kere den nan mes. Manera ami ta hasiendo, apesar di tur e komentario nan negativo ku un dia a presenta den mi kaminda.
Na final, mi ta un mucha muhe ku un soño grandi, ku speransa i gran pashon pa trese un kambio positivo den nos hubentut. Mi ta kere ku kada un di nos por kontribuí na un futuro mihó, i ami ta kla pa hasi mi parti den esaki. Ban uni man i hasi e bida mas bunita pa tur hende, un stap kada biaha.
